Битолчани и воопшто, Македонските граѓани, четврт ден ја чекаат веста за тоа дали решението за куќен притвор на битолскиот градоначалник, Владимир Талески, изречено од Кривичниот суд, допатува во Битола или се ‘загуби’, иако е потврдено дека е пратено по факс, велат од ЛДП-Битола.
„Изјавите од полицијата дека решението не стигнало на нивна адреса, јасно и недвосмислено покажуваат дека ВМРО-МВРО врши опструкција на судот и постапува за тесно партиски и лични интереси на врхушката од власта.
ЛДП смета дека ова е обструкција од МВР за постапување по решение на Кривичниот суд, со ова не се почитуваат судските одлуки и се кочи правдата.
ЛДП-Битола потсетува дека МВР-Битола за два дена викна на распит 86 лица од „Шарената Револуција“, поднесе 26 пријави, а лицето Владимир Талески четири дена не можат да го пронајдат.
Решението за притвор е извршно решение, адвокатот на Талески потврдил дека го добил и го обжалил, така да оваа обструкција е незаконска.
На крај, она што на сите им е јасно и очекуваме дека ќе се случи, е Владимир Талески под итно да поднесе неотповиклива оставка на функцијата градоначалник и да ја ослободи Битола од неговото владеење“, стои во соопштението на ЛДП.