За ЛДП е премногу рано издавањето на Охридското езеро под концесија во период од 6 години. Од таму велат дека ваквата одлука била избрзана и бесмислена. Од ЛДП проговорија и за условите во кои работат подрачните одделениа на Министерството за земјоделство, шумарство и водостопанство во Охрид и Струга.
Сакаме да ја информираме јавноста дека во Охрид и Струга , во подрачните единици на Министерството за земјоделство,шумарство и водостопанство работаат само 5 инспектори.
Подрачното министерство, не поседуваа никакво средство за превоз на вода, а тоа е основно средство за работа. Иронијата да биде поголема, без основното средство за работа, истите запленаа околу 2000 мрежи, кои на драматичен начин ги запали министерот, а беа напишани само неколку пријави, рече претседателот на општинската ЛДП во Охрид Дејан Блажески. Од ЛДП порачаа Владата на Република Македонија да формира Агенција за управување со рибниот фонд во езерата во Република Македонија.