„11-ти Октомври е нашиот симбол за слобода и демократија, темел на современата македонска држава. Симбол на антифашизмот, солидарноста, правдата.
Токму денеска повикуваме на преиспитување на односот кон овој дел од нашата историја, зошто последната деценија сведоци сме на систематско уништување и негрижа кон сите белези од овој период на македонската историја. За нас тоа е чин на варварство и прикриен фашизам. Секое редефинирање на нашата историја е минимизирање на темелот на нашиот развој како современа, независна, демократска и просперитетна држава која цели кон НАТО и Европската Унија.
Почитта кон борците и жртвите од НОБ е почит и за денешна Македонија. Вреднувањето на секој дел од нашата историја е вреднување на нас самите.
Оттаму, генерациите денес се пред историски предизвик храбро да се соочат со сите облици на недемократско владеење, криминал и корупција.
Нека ни’ е честит 11-ти Октомври на сите нас – граѓаните на Република Македонија“, се вели во соопштението на ЛДП.