ЛДП: Кој и зошто го разреши професорот Митко Димовски од директорското место во гимназијата „Орце Николов“ во Скопје

Од:

Либерално-демократската партија прашува кој и зашто го разрешува директорот на гимназијата „Орце Николов“ во Скопје, професорот Митко Димовски, во период кога училиштето го одбележува својот значаен јубилеј – 70 години постоење, реагираат од ЛДП.

Оваа неочекувана и неправедна одлука, донесена во еден час, без јасни причини и аргументи, претставува удар врз вредностите на чесното, посветено и одговорно управување во образовните институции.

Професорот Димовски е признат професионалец и вистински лидер кој со својата посветеност и визија придонесе кон унапредување на образованието и создавање подобри услови за учениците.

ЛДП го поддржува секој професионалец кој работи во интерес на учениците и образовниот систем, а политичките одлуки кои се носат без јасни образложенија не смеат да бидат во функција на лични, партиски или нејасни агенди.

Бараме од надлежните институции аргументирано да ја образложат оваа одлука и да овозможат континуитет во управувањето со гимназијата, во најдобар интерес на учениците, наставниот кадар и целата заедница.

Образованието мора да биде заштитено од неосновани и политички мотивирани одлуки.

ЛДП останува на страната на професионалноста, чесноста и образовниот интегритет, велат од партијата.

Би можело да ве интересира

ЛДП со поддршка за измените на Изборниот законик и заштита на правото на кандидирање на независни листи

Павле Трајанов: Ќе го доставиме предлог законот за една изборна единица до парламентот

Левица: „Белата палата” со притисоци за создавање на партиски синдикати во претпријатијата

Притисоци, закани, полиција..Какво општество и луѓе можат да одземаат четиригодишно дете од мајка?

Предраг Петровиќ

ЛДП ќе бара итна средба со премиерот за јасна стратегија и поддршка во евроинтеграциите

А1он

Работиме напорно за да се деблокира македонскиот пат кон ЕУ, вели Рокас