„Либерално Демократската Партија на Македонија е згрозена од јавашлукот со кој челните луѓе на ВМРО-ДПМНЕ директно се мешаат во судскиот систем на државата.
Либерално Демократската Партија е згрозена од начинот на кој власта го крши Уставот, приватноста, угледот и достоинството на граѓаните.
По вчерашните објавени разговори каде е очигледна спрегата помеѓу високи функционери на власта и правосудниот систем, само се потврдува она што опозицијата веќе години наназад го тврдеше, дека институциите на системот се целосно киднапирани од врхушката на ВМРО-ДПМНЕ“, се вели во соопштението на ЛДП.
„Разоткриени сте! Целата македонска јавност слушна како ги договарате пресудите, кои се вашите потребни „квалификации“ за еден судија да напредува, како се делат судски пресуди во министерски кабинети и зошто најгласните поддржувачи на овој режим се толку сигурни дека „судската правда“ секогаш ќе биде на нивна страна.
После оваа вистина за Македонија, кристално јасно е зошто премиерот Груевски посака целиот овој случај да има судска разрешница“, пишува во соопштението на ЛДП.