Либерално-демократската партија во вчерашниот говор на Никола Груевски, препознава признание на сите злодела, злоупотреби на власта, малверзанции и изживувања што премиерот, заедно со неговиот тим, им го направија на македонските граѓани во овие 9 години од нивното владеење.
ЛДП не е изненадена од однесувањето на Груевски, што сите околу него ги гледа за виновни, а вината никако не може да ја најде во себе. Тоа е патолошка појава од која спас нема. Народ ја знае поговорката дека “Рибата смрди од главата, не од опашката”.
Неговиот последен говор е обид за спас на сопствената кожа, и признавање на сите обвинувања содржани во “бомбите”. Груевски треба да разбере дека во очите на македонската јавност тој е првоосомничен.
Неговиот тоталитаризам има крај. Проблемот не е во партијата, туку во фамилијата, која немилосрдно ги краде граѓаните и која треба час поскоро да си замине.
Наместо закани со “транспарентни” истраги кон опозицијата, премиерот треба да си поднесе оставка од функцијата.
Дојде крајот и за тебе Груевски, не само на твојот забеган тим, затоа попусто се обидуваш да се спасиш!
Народот те прочита и повеќе не те сака!