Либерално-демократската партија го поздравува предлогот на СДСМ, изнесен од страна на лидерот на опозицијата, Зоран Заев, за промена на изборниот модел – Македонија да биде една изборна единица.
Како партија која е дел од опозицискиот блок, сметаме дека само на овој начин ќе се вреднува секој глас на македонските избирачи.
Позитивно ја оценуваме и проценката на СДСМ дека со ваква промена на изборниот модел ќе се реши и прашањето со гласањето на дијаспората. Секој иселенички глас за нас е подеднакво важен.
Промената на изборниот модел е чекор напред за македонската демократија.
Ако ВМРО-ДПМНЕ искрено се грижи за правата и желбите на иселениците, без да прави калкулации и злоупотреби на гласовите од дијаспората, тогаш ќе прифати гласот на иселениците да ја добие истата вредност со гласовите на избирачите во татковината.
