Општинската организација на Либерално-демократската партија во Гевгелија достави предлог до Советот на општината за разгледување на завршните извештаи од реализираните проекти во општина Гевгелија во изминатата 2014 година, поддржани од меѓународни институции и фондови. Станува збор за прокети кои ја надминуваат сумата од 700 000 евра и се важни за економскиот развој на нашиот град и околните општини.
Како општинска организација бараме транспарентност и отчетност од локалната власт, јавноста да биде запознаена дали планираното е и остварено со проектите , каква е долгорочната одржливост на проектите и каков е досегашниот ефект од истите врз локалната заедница.
Сметаме дека фондовите на Европската унија треба да се користат за развој на човечкиот капитал, за иновации и за директно финансирање на микро и малите компании. Средствата да се алоцираат пазарно според потребите на локалната економија, а не политички за додворување кон гласачите.
Централната, но и локалната власт во изминатите неколку години извршија силен административен и фискален притисок врз микро и малите компании , со што ја уништија креативноста и инвестициските циклуси и можностите за отварање на нови работни места во општина Гевгелија.
Детално бараме отчет за следните прокети;
Проект – Центар за посредување при вработување и создавање бизниси и учество на локален саем во прекуграничниот регион , во вредност од 95.000 евра.
Проект – Промовирање на одржлив туризам и заштита на животната средина преку партнерство , во вредност од неверојатни 173.838 евра.
Проект – Промовирање на иновативно претприемништво преку формирање на кластер за ароматични фармацевтски производи , во вредност од 83.550 евра.
Проект – Развој на електронска берза за земјоделско – прехранбени производи во прекуграничната област , во вредност од 90.000 евра.
Проект – Вмрежување и трансфер на знаењето за одржлив економски туристички развој , во вредност од 50.000 евра .
Проект – Развој на механизми за одржливо управување со речните сливови како мерка за претпазливост против поројните феномени , во вредност од неверојатни 190.652 евра.
Проект – Меѓуопштинска соработка во енергетската ефикасност – општини Гевгелија , Валандово и Богданци , во вредност од 18.000 евра .