Анонимната пријава дека во Собрани на РМ има поставено бомба била лажна, соопштуваат од Министерството за внатрешни работи.
Антитерористичката единица на МВР извршила проверки во внатрешноста и надворешноста на зградата и не била пронајдена никаква експлозивна направа.
Непознато машко лице синоќа во 23.02 часот во полиција, на телефонскиот број 192, пријавило дека во зградата на Собранието има поставено бомба.
Утврдено е дека лицето се јавило од јавна говорница во затворот Идризово.
Повикот следува откако викендов граѓанин се закани дека со две ракети ќе ја нападне зградата на Владата.