65-годишна жена од Куманово наседнала на лагата дека нејзин близок прегазил дета и дека треба да плати за да нема кривична одговорност. И се јавил човек кој се претставил дека е полицаец и и кажал дека ќерка и прегазила дете мигрант. Жената, како што се догвориле му однела 30 илјади евра. Подоцна, по разговор со ќерка и сфатила дека изманема.
– На 31.01.2025 во 14.30 часот, 65- годишна жена од Куманово пријавила дека била измамена од едно лице за сума од 30.000 евра. Според пријавеното, лицето ѝ се јавило на телефон и претставувајќи се како полициски службеник ја известило дека нејзината ќерка предизвикала сообраќајна незгода во која прегазила дете мигрант и ќе треба да плати за да не одговара кривично. Како што е пријавено, таа ги однела парите на договореното место, а подоцна се слушнала со нејзината ќерка и сфатила дека е измамена. Се преземаат мерки за расчистување на случајот, инфомираше МВР.