„Лицемерно и безобразно е СДСМ да говори за минималната плата. СДСМ цели 15 години беше на власт и не донесе закон за минимална плата. Кога работниците преку синдикатите бараа по 6 000 денари загарантирана плата, владата на СДСМ ги одби. Дури и ги навредуваше, нивниот министер Стевчо Јакимовски изјавуваше дека се заштитени како “мечки од планина”, одговори ВМРО-ДПМНЕ на прес конференцијата на СДСМ .
„За разлика од ова владата на ВМРО-ДПМНЕ донесе закон за минимална плата во висина од 8 050 денари.Што се однесува до текстилните фабрики, тука Црвенковски е вистински рекордер. Тој во времето на неговата приватизација ги уништи буквално сите поголеми текстилни фабрики.Владата предводена од ВМРО-ДПМНЕ донесе одлука за намалување и на повеќе други даноци со што ја олесни и подобри деловната клима за повеќе текстилни фирми и други претпријатија. Следниот пат кога СДСМ ќе излезат на прес конференција добро нека ги проверат фактите и податоците и нека не зборат на памет. Очигледно е дека СДСМ забегува“, рече Сашо Лазаровски.