Советникот од ВМРО-ДПМНЕ во општина Центар, Томислав Лазаров го прашува градоначалникот на општина Центар Андреј Жерновски да одговори кои или кој се тие што на Андреј Жерновски и на неговите соработници им нуделе мито и бизнис соработка.
„Во правна држава неможете да кажете дека некој ви нудел мито, а потоа неколку денови со ред да се криете од јавноста. Жерновски или излажал или свесно ги заштитува тие што му нуделе мито, а со тоа станува нивен соучесник.Жерновски јавно не ги соопшти имињата, ниту пак, според нашите информации, ги пријави до надлежните институции фирмите или лицата кои наводно до него и неговите соработници им нуделе мито. Ние нема да дозволиме оваа скандалозна изјава на Андреј Жерновски да биде заборавена и да се третира како незначајна“ рече Лазаров.