Запрашан за односите помеѓу Бугарија и Македонија и барањето на источниот сосед да го измениме Уставот за да ги продолжиме преговорите со ЕУ, шефот на руската дипломатија Сергеј Лавров од Скопје порача дека луѓето во Македонија имаат целосно право да дејствуваат како еднакви со сите на континентот.
– Коренот на овие проблеми лежи во акциите на Западот да ја уништи Југославија. Пред неколку години Македонија имаше понижувачко име ФИРОМ, сега има друго име иако Македонија нема територијални претензии кон Грција. Се сеќавам на еден претседател во Собранието, не знам како се викаше, но тој објавуваше слики од својата канцеларија со знаме кое не беше македонско.
Да ве уверам дека јас имам топли чувства за Македонија и ако сум тука два дена, ги гледам луѓето на улица и гледам топлина и гостопримство – истакна Лавров од Скопје.