Ласковска: Уапсете не и одземете ни го имунитетот на сите пратеници од ВМРО-ДПМНЕ, не правете шаради

Од:

Не стивнуваат тензиите во Комисијата за мандатно-имунитетни и деловнички прашања,на која се расправа по барањето на судот за симнување на имунитетот на пратеникот Трајко Вељаноски во врска со настаните од крвавиот четврток. Пратеничката од ВМРО-ДПМНЕ Благица Ласковска, побара власта да не се мачи па секој две недели да организира шаради, туку на сите пратеници на ВМРО-ДПМНЕ наеднаш да им го симне имунитетот.

„Не се мачете, симнете ни го имунитетот на сите праtеници од ВМРО-ДПМНЕ, тука сме, уапсете не, не правете шаради.Пратеници чуле дека пратеник од власта пред две недели рекол-Трајко ќе си лежи. И мене ме интересира од каде знаел, и мене ме интересира кои се вистинските организатори на настаните од 27.април. Има список кои пратеници се следни за симнување имунитет“, рече Ласковска.

Му се обрати на претседателот на комисијата Павле Богоевски, дали знае дека командир во Шутка кај него на профил напишал дека ќе ги поздрават сите кои ќе дојдат во затвор лично од Богоевски, особено, како што цитираше, гнидите кои го тепале. Ова, рече, нема да го затвори ВМРО-ДПМНЕ и нема да го замолчи.

Богоевски реплицираше дека ова се нереални ставови, бидејќи нема колективно одземање имунитет, ниту одземање имунитет предвремено и со лично барање.

„Оној кој сам побара да му се одземе имунитетот лавовски побегна во Будимпешта и ве остави сами. Го осудувам пишуваното од командирот, но и го разбирам. Има многу револтирани од случувањата на 27.април. И јас не сакам сите да ги видам во затвор. Сакам во затвор да го видам Никола Груевски и двајцата патриоти бегалци“, одговори Богоевски.

Би можело да ве интересира

ВМРО-ДПМНЕ ја почна блокадата на измените во Законот за служба во армијата

Жарко Настоски

Седници на собраниските комисии за политички систем и одбрана и безбедност

Ана Ололовска

Пендаровски: Ставовите за „27 април“ се јасни и не зависеа од средбата со Мицкоски

Мицкоски: Дволичноста на Пендаровски е заради притисокот кој го вршат врз него, реалноста е дека се согласи со мене за 27 април

Пендаровски: Не заговарам преотворање на процесот за 27 април, а може да се отвори ако има нови докази

Кристијан Ландов

Мицкоски: Се согласивме со Пендаровски дека е драконски обвинетите за 27 април да одговараат за тероризам

Кристијан Ландов