Лашкоска: Амандманот за бикот е непостоечки, Костадинов нема аргументи па се фатил за опашката

Од:

Амандманот кој го објави портпаролот и пратеник на СДСМ, Коста Костадинов со кој пратеничката Ане Лашкоска од ВМРО-ДПМНЕ побарала 100 илјади денари за нова опашка за споменикот – бик, кој е поставен на улица Македонија е непосточеки. Лашкоска во изјава за „А1он“ вели дека амандманот е повлечен веднаш откако е поднесен.

„Амандманот е повлечен уште веднаш. Всушност нема таков амандман. Ама најверојатно во недостаток на аргументи при амандманска расправа, портпаролот на СДСМ, еве читам, се фатил за опашката на бикот“, вели Лашкоска во изјава за „А1он“.

Во документот објавен од Костадинов, стои дека се бараат пари за обнова на скултурата која е дело на Дарко Дуковски, односно еден од првите споменици кои беа поставени во централното градско подрачје како дел од проектот „Скопје 2014“.

„Со амандманот се предлага да се обезбедат средства во висина од 100.000 денари за обнова на споменик опашката на бикот кој се наоѓа во централното градско подрачје во Скопје“, пишува во амандманот за кој Лашкоска вели дека е повлечен.

Авторот на скултурата Дарко Дуковски, велеше дека симболиката на бикот е манифестација на сила, односно македонски симбол за плодноста. Тој за ова дело и скулптурата „Градска плажа“ зеде 50.000 евра.

Опашката од споменикот е скршена кон крајот на 2018 година. Тогаш од Музејот на современа уметност кажаа дека ќе биде поправена, а МВР трагаше по сторителот.

Би можело да ве интересира

ДКСК: Пратеници со станови во Скопје наплатувале патни трошоци за доаѓање на работа

Мери Јордановска

Николовски: Работна група ќе состави ранг листа на кандидати за пратеници

Драган Поповски

Информацијата на група пратеници од ВМРО-ДПМНЕ за енормното загадување на амбиентниот воздух на собраниска седница

А1он

По 150 илјади евра за патни трошоци – пратеници рекордери во поминати километри

Мери Јордановска

Лашкоска и Манаскова ги раскинуваат договорите за станови под кирија

ВИДЕО: Државни станови и автобуски превоз наместо високи кирии и патни трошоци за пратениците