Минатата година во Македонија се евидентирани 235 паркиралишта и гаражи како објекти за паркирање, со површина од 640.293 метри квадратни, објави денеска Државниот завод за статистика.
Според обработените податоци од истражувањето со кое се опфатени деловните субјекти за јавни паркиралишта и паркиралиштата на општините, 18.809 места за паркирање се на отворен простор, 3.404 места за паркирање има во покриените гаражи, а во катните гаражи 3.593.
Во споредба со 2013 година, бројот на паркиралишта и гаражи е зголемен за 20,5 проценти. Во истиот период, бројот на местата за паркирање е зголемен за 30,8 проценти, во покриените гаражи зголемувањето изнесува 33,9 проценти, додека во катните гаражи, бројот на местата за паркирње е зголемен за 4,5 проценти.
За лица со посебни потреби во 2014 година имало 384 места за паркирање на отворен простор, во покриените гаражи 73, а во катните гаражи 33.