Лабораторијата при Здравствениот дом Прилеп прави брзи тестови, иако 56 отсто се позитивни, кај персоналот останува надежта

Од:

При нагло зголемен број на новозаразени, за два дена 140 и со преку 70 хоспитализирани во прилепската болница, Ковид пунктот и лабораторијата при прилепскиот Здравствен дом каде се бесплатните брзи тестови, имаат полни раце работа.

Тимот од 12 лаборанти, од кои по еден лабораториски аналитичар и хемичар секојдневно е со ковид-пациентите, но и со нивните стравови и психози.

Афродита Танеска, лабораториски аналитичар при лабораторијата на Здравствениот дом во Прилеп вели дека имаат доволно брзи тестови, но поразува фактот што 56 отсто од нив се позитивни. Откако се обучија за земјање брисеви за брзите тестови, од ноември пак повторно е надвиснат нов бран на заразени.

-Се обучивме за земањето брисеви за брзите тестови за утврдување Ковид-19. Прво бевме двајца на обука, потоа интерно сите се обучивме. Нашиот работен ден почнува од 8 до 11:30 часот, кога е најголемата навалица за тестирање. Се закажува преку Мој термин, тоа го прават матичните лекари. Ние секој ден работиме по 40 тестови и секој пациент доаѓа на 5 минути. Нема чекање, нема нетрпеливост. Добро е организирано. Во моментов сме 12 лаборанти, од кои 9 лаборанти, двајца дипломирани лабораториски аналитичари и еден хемичар. Сите се обучени да земаат брисови на пунктот. Министерството за здравство ни додели 3 800 брзи теста. Започнавме на 18 ноември минатата година. Досега имаме сработено 1915 теста. Зачудувачки и загрижувачки е што резултатот е навистина стравичен. Имаме 1072 позитивни пациенти. Што значи 56 отсто се позитивни пациенти, вели Танеска.

Иако работат професионално, сепак емпатијата допира и до нив. Секој ден се соочуваат со семејни приказни, трауми, психози на пациентите. Ниту колегите не се изземени.

– Како што влегува секој пациент, ние сочувствуваме со неговата болка, иако професионалноста е на прво место. Зашто ако премногу сочувствуваме, ние ќе согориме. Секој пациент кога влегува се оправдува. Вели, ништо не ми е, носот само ми тече. Докторката така сакаше. на крајот е позитивен. Едноставно, никој не сака да го прифати фактот дека е позитивен. И разбирливо е. Работиме строго според протоколите. Облекувањето, заштитата, растојанието. Но, и нас не не одмина пандемијата. Од нашите лаборанти, седуммина ја победија битката со корона вирусот. Тогаш, сепак, беше тешко. Она што денес го работиме, тогаш го работевме четворица. Кога се вратија, дури нас не заштитуваа кои го немаме прележано вирусот. Пожртвувани се сите. Еве, може да ја споменам медицинската сестра Каролина. Работеше хумано. Се пријави во Интерното одделение кога беше пикот, кога беше најтешко, но сега се зарази, вели Танеска.

Една е од ретките лаборатории што прави комплетни анализи. Работат со меѓународна контрола и имаат сертификат за врвно достигнување. Имаат одлична соработка со матичните лекари и со Центарот за јавно здравје.

-Самоиницијативно работиме во две смени за да им излеземе во пресрет на прилепчани. Една сме од ретките лаборатории што работиме и Д-димери, ЦРП, ЛДХ-испитувања, крвна слика, седиментација. Поспецифични анализи се кои им помагаат на матичните лекари за да ја следат дијагностиката и да даваат правилна терапија, објаснува Танеска.

Танеска ја пренесува пораката на надежта на персоналот при лабораторијата од прилепскиот Здравствен дом.

– Да си помагаме, а така е меѓу персоналот, но и за пациентите. Само сплотени може да го победиме ова зло. Надежта не смее да се загуби, вели Афродита Танеска, лабораториски аналитичар.

Од лабораторијата велат дека чекаат повик за и тие да бидат вакцинирани.

Би можело да ве интересира

Грип, ковид и инфекции на дишните патишта ги полнат амбулантите и болниците

Ковид-19 од денес е обична заразна болест, укинати и последните мерки за носење маски

Орце Костов

Пендаровски го потпиша Указот за новиот Закон за амнестија за прекршоците во ковид кризата

Катерина Ѓуровски

Три години откако СЗО прогласи пандемија од Ковид-19, вирусот се уште присутен, но со намален интензитет

Ана Ололовска

Најзаразниот сој досега, „кракен“, не е откриен кај нас, но последната анализа е направена на 5 декември

Осум починати, 196 нови случаи на Ковид-19 минатата недела

Ана Ололовска