Економските мерки и политики кои ги реализираше Владата предводена од СДСМ и премиерот Зоран Заев даваат резултат. Сите економски податоци потврдуваат: македонската економија е стабилна, жива, динамична и оди напред. Платите континуирано растат и во услови на пандемиј рече денеска на прес конференција портпаролката на СДСМ Богданка Кузеска.
„Просечната месечна нето – плата во март 2021 година изнесува 28.217,00 денари. За 6,8% повисока од истиот месец во 2020 година. Повеќе пари во џебот на работниците е дел од концептот на СДСМ, парите кај граѓаните. Дополнително, по цела година, за прв пат во месец март оваа година, е забележена сериозна стапка на раст на индустриското производство од 7,6%. Раст од над 27,1 отсто има и индексот на прометот во индустријата. Во првиот квартал од 2021 година, раст од 15,8 отсто има и надворешната трговска размена, а извозот во истиот период е зголемен за 18,1 отсто“ – рече Кузеска.