Двајца непознати мажи дошле во селото Облавце во општина Старо Нагоричане и побарале да купат јагниња и сирење за износ од 200 евра, а платиле со банкнота од 500 евра.
Како што соопшти полицијата, настанот се случил вчера утрото кога мажите на возраст од околу 50 и 60 години со автомобил дошле во семејната куќа на В. К. и побарале да купат јагниња и сирење за износ од 200 евра.
Откако за тоа платиле со банкнота од 500 евра, а В.К. им вратил кусур од 50 евра и 15.000 денари, се договориле дека јагнињата и сирењето ќе ги земат подоцна и заминале со возилото.
Бидејќи В.К. и неговиот син Д.К. се посомневале дека банкнотата од 500 евра е фалсификувана, ја провериле во менувачница, каде им потврдиле дека е фалсификувана, по што случајот го пријавиле во СВР-Куманово.
СВР-Куманово презема мерки за пронаоѓање на сторителите.