Кандидатот за градоначалник од ВМРО-ДПМНЕ за Карпош Јагнула Куновска го обвини кандидатот за градоначалник од СДСМ за оваа општина Андреј Петров дека нема печатена и пишана програма и оти само ветува проекти изговарајќи фрази без основа.
– Лесно му е да шета од населба во населба и само да ветува, односно да изговара фрази. Петров имаше прес-конференција во која вели дека ќе воведе задолжителни часови по пливање. Во ред, но треба да знае дека од септември минатата година, задолжителни часови по пливање се воведени по иницијатива и соработка на Владата и градот Скопје, рече Куновска.
Таа истакна дека Петров треба што поскоро да извади програма, бидејќи како што рече, утре доколку тој стане градоначалник да одговара за тоа што исполнил, како и за тоа што не го реализирал.