[staff name=”Елена Георгиевска” position=”Автор”][/staff]Во акција на кумановската и шумската полиција, во липковскиот регион се запленети 100 метри кубни дрва, кои непознати сторители ги исекле од Карадачката планина.
При вршење на редовна патролна дејност на подрачјето на Општина Липково, полициските службеници забележале дека на повеќе локации покрај патот има исечено огревни дрва, кои биле складирани и подготвени за транспорт.
Во текот на акцијата во атарот на селата Гошинце, Думановце и Глажња се пронајдени околу 100 метри кубни дрва кои непознати сторители бесправно ги исекле, без дозвола за сечење на шуми.
Бидејќи дрвата не биле маркирани, шумската полиција ги пренесе во складот на Шумското стопанство Куманово.
Во текот на 2012-та година на ниво на кумановската полиција се спроведени повеќе редовни акциски контроли. При нив се одземени вкупно 11 товарни моторни возила со околу 60 метри кубни дрва.
