Кумановската полиција денеска доби единаесет возила од марката „Шевролет спарк“ кои се дел од стоте нови возила што завчера ги промовираше МВР.
Новите возила, како што информираат надлежните од СВР Куманово, ќе бидат распределени на полициските станици од општа надлежност на подрачјето што го покрива секторот.
– Возилата се економични со што ќе се штеди на гориво и ќе се употребуваат во урбаните заедници, на интервенции во тесни улици, улици кои се оптоварени со сообраќајот, изјави Зоран Велковски од СВР Куманово.
Како што појаснуваат од СВР Куманово, новите возила ќе овозможаат поефикасно извршување на задачите на полициските службеници.