Независната граѓанска опција „Кога, ако не сега“ ги обвинија политичките опоненти дека го уништуваат нивниот пропаганден материјал.
Истакнаа дека за ова веќе ги известиле претставниците на ОБСЕ, а ќе ги известат и ДИК и МОСТ.
Во изминативе денови сите наши постери кои беа залепени се уништени, искинати и ишчкртани со црн спреј. Како независна граѓанска политичка опција не сме виновни што двата политички блока се премногу зафатени со меѓусебни препукувања, со креирање на советничка листа во последен момент, па целиот свој бес го исфрлаат врз нашиот скромен пропаганден материјал – изјави Александра Георгиевска од партијата.
Од независната партија апелираа и ги повикаа учениците во локалните избори да престанат со нецивилизирано однесување, да покажат политичка култура и да водат фер кампања.
Елена Георгиевска