Градоначалникот на Куманово Зоран Дамјановски, пратеникот Оливер Спасовски и носителот на советничката листа, Максим Димитриевски попладнево ги посетија жителите на Средорек.
Дамјановски нагласи дека што и да се случи на изборите тој и понатаму ќе се обидува да направи похумани услови за живот на сите Роми во Средорек и дека ќе помогне да се набават финансиски средства за реновирање на поплавените куќи.
Пратеникот Оливер Спасовски од жителите на Средорек побара да извојуваат победа која што ќе се памети и во Куманово, но и во цела Македонија.
Сите мои пријатели Роми ги повикувам да им се одолжиме на ВМРО-ДПМНЕ. Затоа што ниту еден Ром не смее да излезе надвор од Република Македонија, бидејќи го запираат на граница само затоа што е Ром. Треба да им се одолжите и за поскапата струја, за укинатата социјална помош и за се она што ги следува Ромите а не им ги даваат Никола Груевски, заедно со Гордана Јанкуловска и Амди Бајрам – изјави тој.
Носителот на советничката листа Димитриевски нагласи дека само СДСМ успеа да направи нешто во оваа населба и дека Сојузот за Македонија е формиран за да ја сруши ненародната власт што ја води Никола Груевски.
