На 25-ти мај во 11 часот на Градскиот плоштад во Куманово ќе се одржи интернационален настан од забавен карактер, под името Bubbles sky.
Настанот е во организација на здруженитето Центар за Меѓукултурен Дијалог од Куманово и Student City Council од Познан, Полска, а како главна активност на денот е правење на голем број меурчиња од сапуница и организирање на многу игри и забава за сите присутни.
Македонија за прв пат се приклучува на овој настан од меѓународен карактер, притоа повикувајќи ги сите млади и оние кои се чувствуваат така, да се придружат и заеднички се приближат кон Гинисовиот рекорд за најмногу меурчиња на небото. На настанот ќе има улични анимации, настапи во живо од локалните бендови, цртање на хартија и на луе, наградни игри и неофицијално рушење на Гинисов рекорд во број на меурчиња од сапуница на небото.