Кандидатот за градоначалник на Куманово од ВМРО-ДПМНЕ, Зоран Ѓориѓиевски го посети Центарот за јавно здравје, при што истакна дека установата е многу важна за доброто за граѓаните и за квалитетот на животот.
-Центарот за јавно здравје врши контрола на многу работи, за кои нашите граѓани не се запознаени дека се работат. Тие се неправедно ставени во сенка, а тоа се нашите чувари во сенка за здравјето. Овде се врши контрола на квалитетот на водата секојдневно, со пет – шест контроли и во случај на некоја аномалија се дава аларм за дезинфекција на водата.
– Сега им посветивме внимание бидејќи во поплавите кои беа пред десетина дена, неправедно беа запоставени на страна, а на терен беа многу активни. Благодарение на нив во селата Клечовце, Јачинце, Довезенце, Пчиња, Шупли Камен, е направена контрола на водата која беше загадена, правеа хлорирање на бунарите, на пумите – изјави Ѓорѓиевски.
Тој нагласи дека како иден градоначалник секогаш ќе биде отворен за соработка со вработените од Центарот за јавно здравје.
Елена Георгиевска