Градоначалникот на Куманово, Зоран Дамјановски денес ги посети жителите на населбата Перо Чичо и им вети дека основното училиште „Христијан Карпош“ ќе добие четири нови училници и енегретски ефикасна изолација.
Најавувам една многу важна работа, бидејќи ова е единствено училиште од градот во кое има дефицит на училници. Во наредните четири години ќе се изградат четири нови училници на место на темелите од 2001 година, од популарната сала на Тупурковски. Со концептот на енергетската ефикасност ќе ја направиме новата фасада. Ќе го средиме дворот и ова ќе биде едно од најубавите училишта во Македонија – изјави градоначалникот Дамјановски.
Носителот на советничката листа, Максим Димитриевски изјави дека ВМРО-ДПМНЕ не треба да ја земе власта во Куманово, бидејќи освен бетон и бронза и купување на двокатни автобуси не понудија ништо друго.
Елена Георгиевска