Градоначалникот Зоран Дамјановски и носителот на листата Максим Димитриевски, посетија две чевларски фирми.
-Од најголем индустриски град, Куманово стана загубар и наша задача е да направиме се, за подигање на економскиот развој. Во разговор со сопственикот на ова фирма добивме информација дека има потреба од нови погони, бидејќи овде е под закуп. Сметаме дека во нашата економска зона може да биде еден од првите инвеститори. Тоа ќе го продолжиме со сите заинтересирани, заклучно со 38-те кооперанти во поранешната фабрика „Чик“ – изјави Дамјановски.
Димитревски и Дамјановски ја посетија и втората фабрика „Тушевски“, која важи за една од најголемите производители на чевли во Куманово.
-Тие треба да добиваат се повеќе работа, да настапуваат на странските пазари се посигурно, и нормално треба да им овозможиме поквалитетни услови за работа. Веќе промовиравме една стопанска зона во Општина Куманово за која што беше донесена и одлука на Советот за урбанизација на тој простор – истакна Димитриевски.
Елена Георгиевска