Едно лице е повредено синоќа со нож по расправија пред кафуле во Куманово.
Како што соопшти МВР, настанот се случил околу 21 часот пред кафе бар „Ретро кафе“, на ул.„3-та М.У.Бригада“, по расправија помеѓу лицата А.М.(1986) и Ш.И.(1975) од Куманово. Ш.И. физички го нападнал А.М. и со нож му нанел убодна рана во пределот на вратот, а потоа го напуштил самото местото.
А.М. е пренесен во Медицинскиот центар-Куманово каде му е констатирана телесна повреда и е задржан на лекување.
Се преземаат мерки за пронаоѓање на сторителот.
