Дваесет и седумгодишниот кумановец С.С синоќа на градскиот плоштад „Маршал Тито“ во Куманово со нож го нападна својот сограѓанин Б.К (55).
На инцидентот му претходела расправија, која што се случила во кафе барот „Нама“, по што Б.К заминал во казиното „Адмирал“.
За кратко време повторно се сретнале и С.С пред кафе барот „Клуб“, му нанел убодна рана на Б.К, во пределот на левото рамо.
Б.К. веднаш бил пренесен во кумановската болница, каде што е констатирана телесна повреда и е пуштен на домашно лекување.
Кумановската полиција поднесе кривична пријава против С.С., а кај истиот е утврдено и присуство на алкохол во крвта од 2,29 промили.
Елена Георгиевска