Кумановци биле затекнати како од две возила оставени на паркинг, сопственост на јавно претпријатие во кое работеле, со црева одземале гориво од резервоарите. Кај нив биле пронајдени и одземени седум пластични канти со гориво и две црева, информираат денеска од Министерството за внатрешни работи.
– Синоќа околу 21 часот во Маврови Анови, полициски службеници на СВР Тетово – Одделение за внатрешни работи Гостивар, ги лишиле од слобода Д.С. и С.М., на возраст од 52 и 55 години, двајцата од Куманово, се појаснува во соопштението.
Двајцата се задржани во Полициската станица Гостивар за целосно расчистување и документирање на случајот. Потоа ќе им бидат поднесени соодветни пријави.