Куче одгриза палец на тетовец

Од:

Четириесет годишниот В.З од Тетово останал без палецот на левата рака и се здобил со повеќе гризнувања по рацете отакако вчера околу 15 часот бил нападнат од куче од расата „Кангал“ информираше денеска портпаролот на СВР Тетово Марјан Јосифовски.

Според неговите податоци, инцидентот се случил на улицата „146“, во месноста „Горни арабат“ во Тетово додека тетовецот се движел со своите деца кон семејната куќа. Наеднаш врз него се нафрлило кучето и му нанесло повеќе рани на рацете, а целосно му го одгризало  и палецот на левата дланката. Повредениот веднаш бил пренесен во тетовската клиничка болница каде му биле извршени неколку хируршки зафати на рацете по што бил  задржан за натамошно лекување.

Полицијата извршила увид на местото на кое се случил нападот од кучето, разговарено е со В.З. и се преземаат мерки и активности за расветлување на сите поединости-како се случило тоа, кој е сопственикот на кучето и за пронаоѓање на кучето, рече Јосифовски.

Би можело да ве интересира

Насилник го нападнал новинарот Неврим Адеми

Меџити: Градиме патишта за нашиот народ, Коридорот 8 е повеќе од пат

Автопатот Тетово-Гостивар долг 17,5 километри ќе биде готов за две и пол години

Горан Наумовски

(ВИДЕО) Загина жена, а осуммина се тешко повредени во инцидентот во Штутгарт

Тетовчанка е измамена за речиси 2.000 евра од државјанин на Косово

Влен: Започнува изградбата на новиот автопат Тетово-Гостивар, стратешка инвестиција во служба на граѓаните