КСС најави протест, Владата ги кани на средба

Од:

Конфедерацијата на слободни синдикати (КСС) најави дека в среда ќе протестира, по што од Владата информираа дека испратиле покана за средба до нив.

„И покрај нашите јавно изнесени ставови и покрај многуте реакции од меѓународните синдикати и укажување за кршењето на законите и конвенциите на Меѓународната организација на трудот ратификувани во Собранието на Р.Македонија, кои се обврзувачки, и покрај нашиот најавен протест на 17.01.2018 година, за кој ги известивме и Владата на РМ и надлежните министерства и понатаму продолжува молкот, игнорирањето, дискриминацијата, притисоци, отпушатња од работа, но не и одговорност да се седне на маса со репрезентативните синдикати и да се разговара и изнајде решение за нашите легитимни барања за подобрување на стандардот на вработените во јавниот сектор согласно законите и колективните договори“, изјави Благоја Ралповски.

Тој рече дека остануваат на одлуката на 17 јануари да одржат протест пред платото на Владата на РМ, со почеток во 5 минути до 12 часот и поставија барање најдоцна до 16 јануари да имаат средба со претставници на Владата.

По ова, од Владата информираа дека е испратена покана до КСС.

„Утрово, Владата преку кабинетот на вицепремиерката Шекеринска, електронски и телефонски упати покана за средба со претставници на КСС. Поканата е за состанок на 16.01.2018 година (вторник) во 11 часот, во просториите на Владата на Република Македонија, на која што заеднички ќе се разгледаат и ќе се дискутираат решенија за сите отворени прашања“, соопшти Владата.

Би можело да ве интересира

Влада: Одлука за кадровското решение во ЦУК на наредната седница

Студентите и вработените на ФИНКИ на протест пред Владата

Зошто се одложува изборот на нов универзален снабдувач на струја за домаќинствата?

А1он

Тошковски за поништувањето на неговите наредби: Во влада се тотално неинформирани, како не им е срам

Орце Костов

Џафери за новите автомобили: Лизингот е поевтино решение, ако останат во Владата одржувањето ќе биде скапо

Орце Костов

Битиќи за владината набавка на 45 нови возила: Подобро е на лизинг, трошоците се помали

Орце Костов