Околу 5.000 евра штета претрпел Ф.М. (43) од тетовското село Џепчиште откако засега непознати сторители провалиле во неговата работилница за преработка на метални производи „Аги-пром 5“, информираше портпаролот на СВР Тетово, Марјан Јосифовски.
– Во работилницата било провалено во периодот помеѓу 28-ми минатиот и 4-ти овој месец при што засега непознатите сторители насилно ја отвориле влезната врата и влегле во работилницата и одзеле повеќе делови од машина за обработка на лим во вкупна тежина од околу 2.000 килограми и други росфрајтни елементи. Вредноста на одземеното, според сопственикот на фирмата Ф.М (43), кој вчера ја пријавил кражбата, се проценува на близу 5.000 евра, појасни Јосифовски.
Се превземаат активности за целосно расветлување на сите поединости поврзани со кражбата и за откривање на сторителите.