Дваесет и пет крвни единици беа обезбедени во денешната доброволна крводарителска акција што ја организира винарската визба „Тиквеш” од Кавадарци.
Активноста е традиционална, се одржуа секоја година.
– Секоја година одѕивот на вработените во винаријата е голем. Мотивирани од своите колеги, имаше повеќе дарители кои првпат ја покажаа желбата за хуманост на дело, рече Розе Илова, секретар во Општинската организација на Црвен крст Кавадарци.
Според д-р Елена Ристовска од Институтот за трансфузиона медицина, вработените во „Тиквеш“ се веќе запишани во листата на крводарители, а визбата како организација со хумани активности за помош на општеството.