Следејќи ги потребите на Министерство за Здравство, Општина Бутел и Институтот за трансфузиона медицина, во вторник од 9 до 14 часот ќе ораганизираат Крводарителска акција во просториите на Општина Бутел.
– Во координација со Институтот за трансфузиона медицина, преземаме дополнителни мерки за да создадеме максимално безбедни услови за крводарување, како што е персонал, обучен за спроведување на сите пропишани хигиенски мерки од Институт за трансфузиона медицина. За време на акцијата ќе биде воведен систем на обезбедување на соодветно растојание помеѓу дарителите и ќе се практикува телефонско повикување на дарителите со цел да се обезбеди континуитет во крводарувањето во безбедни временски интервали (закажување).
Ги повикуваме сите заинтересирани лица и крводарители да се вклучат во хуманитарната крводарителска акција и да помогнат во спасување на нечиј живот, велат од Општина Бутел.