На денешната крводарителска акција во Крува Паланка собрани се вкупно 38 единици крв. Акцијата е традиционална и се одржа во просториите на Општинската организација на СДСМ од Крива Паланка.
Акцијата се реализираше во координација со општинската организација на Црвениот крст, Крива Паланка, во соработка со Институт за трансфузиона медицина, Скопје.
Заклучно со денешната, дванаесетта по ред акција годинава, на подрачјето на општините Крива Паланка и Ранковце, досега се собрани вкупно 534 крвни единици.
Претходната акција се одржа во општина Ранковце. Според Годишниот план за крводарувања на ОО Црвен крст, Крива Паланка, според кој се проектирани 711 крвни единици, следната акција е закажана за 10 јули.