Доцна синоќа околу 21.00 часот во Полициската станица Ресен било пријавено дека во ресторан на улицата Јосиф Јосифовски во Ресен настанала физичка пресметка помеѓу четири лица, соопштија од полицијата.
Тепачката настанала помеѓу Б.О.(21), Л.А.(46), Т.Р.(33), од една страна и Р.Д.(51), од друга страна, сите од Република Албанија, кои работеле во Ресен.
Според пријавата, во еден момент тие излегле надвор пред објектот, каде Р.Д. на Л.А. со нож му нанел убодни рани, а на Т.Р. расекотина. Полициски службеници веднаш по пријавата излегле на местото на настанот. На лицата им била укажана медицинска помош во болницата во Битола, а потоа Б.О., Т.Р. и Р.Д. биле лишени од слобода и задржани во Полициската станица Ресен, а Л.А. бил задржан на лекување.
Од полицијата велат дека се преземаат мерки за целосно расчистување на случајот.
