Членови на две семејства од скопското село Кондово вчера попладне влегле во крвава пресметка со тупаници и ножеви, а се пукало и oд пиштол, информира МВР.
„На 22.10.2020 во 18 часот било пријавено дека во селото Кондово-скопско бил нарушен јавниот ред и мир со меѓусебна пресметка помеѓу членови на две семејства. Имено, според пријавеното, во дворот од куќата сопственост на Т.Ф.(45) дошле браќата Ф.Љ. С.Љ. и Ф.Љ. и физички го нападнале сопственикот, а потоа и С.Ф.(45), Р.Ф.(21) и 15 годишен малолетник,“ се вели во полициското соопштение.
Полицајците излегле на местото на настанот, каде бил пронајден нож, како и две чаури за кои Т.Ф. посочил дека биле испукани од пиштол од страна на Ф.Љ. Во 21,00 часот од Комплексот клиники „Мајка Тереза“ било пријавено биле донесени С.Љ. и Ф.Љ. со повреди од остар предмет.
Се работи на целосно расчистување на случајот, велат од МВР.
