Педесет и двегодишната скопјанка Г.П. вчера вечерта телефонски се пожалила во крушевската полициска станица дека во текот на денот тројца мажи ја нападнале во просториите на претпријатието за обработка на дрво „Борче“ во Крушево, така што ѝ ја скинале и соблекле облеката, со ножици ѝ ја исекле косата, ѝ ги скршиле мобилните телефони и ѝ ја одзеле ташната.
Според нејзиното сведоштво, вчера околу 19.30 часот во атарот на крушевското село Врбоец, додека во просториите на претпријатието таа разговарала со сопственикот, 47-годишниот Д.Д., 70-годишниот А.Д. и 49-годишниот К.Х., сите од Крушево, влегле во објектот, насила го изнеле сопственикот и ја нападнале скопјанката, оставајќи ја потоа гола и потстрижена.
Полицијата ќе поднесе соодветна кривични пријави против сторителите.