Учениците од двете основни училишта во Крива Паланка и најмладите од детската градинка „Детелинка“ денеска се вклучија во акцијата „Македонија без отпад 2013“, иницијатива на Асоцијацијата за чиста животна средина „Ајде Македонија“, поддржана од Министерството за животна средина и просторно планирање.
Основците од ООУ „Јоаким Крчовски“ и ООУ „Илинден“, како и дечињата од забавишните групи во ОЈУДГ „Детелинка“ на собирните пунктови предадоа голема количина отпадни материјали, пластика, хартија и електронски отпад.
Координаторот на акцијата во ООУ Ј.Крчовски, Билјана Петковска-Антовска рече дека целта на акцијата е да се зголеми еколошката свест кај учениците и младите, а покрај доставата на материјали за рециклирање, учениците со помош на наставниците изработија и брошури со еко-пораки кои им ги поделија на кривопаланчани.