Учениците од основното општинско училиште „Јоаким Крчовски“, Крива Паланка, денеска собираа отпадни преносни батери, со што се вклучија во големата акција за постапување со ваков вид отпад на здружението „Елколект“ , Скопје.
– Учениците беа задолжени да донесат отпадни преносни батерии кои повеќе не се употребуават во нивните домови, а на овој начин се вклучивме и во наградната игра на Елколект – „Биди супер херој“ со која се поттикнуваат учениците да достават што поголем број батерии, бидејќи, стимулативно, ученикот и одговорниот наставник, кои ќе соберат најмногу батерии ќе добијат награда, информираат oд Еко одборот на ООУ „Јоаким Крчовски“.
Оттаму истакнаа дека училиштето е носител на зелено знаме, како потврда за високото ниво на хигиена и грижа за животната средина,а вклучувањето во акцијата за отпадни батерии, велат, е дополнително поттикнување на ученциите да пројават интерес за грижа за здрaвата и чиста животна средина преку правилно постапување со отпадни батерии.
Собирањето и грижата за отпадните батерии по собирните акции во сите училишта кои ќе се вклучат во оваа акција е грижа на „Елколект“ од каде ќе биде организирано превземањето и транспортот на до лиценциран склад за отпад.