СВР Битола поднесе кривична пријава против С.У.(46) од Битола, В.А(22) и Е.А.(19) од битолското село Велушина поради постоење на основи на сомнение за сторено кривично дело „разбојништво“.
Пријавените на 20-ти февруари околу 19:30 часот на патот помеѓу селата Барешани и Олевени, во близина на Битола, пресретнале четворица сириски државјани, на кои им одзеле мобилни телефони, документи и 900 евра. Веднаш потоа започнале да ги удираат со клоци, тупаници, дрвен стап и метална цевка и откако ги претепале го напуштиле лице местото.
– Еден од сириските државјани пријави во полициската станица во Битола, од каде беа превземени мерки и активности и лицата се пронајдени и приведени. Од судија во претходна постапка на пријавените им е одреден притвор во траење до 30 дена, истакна Магдалена Димитровска, советник за односи со јавност во СВР-Битола.