СВР Куманово поднесе кривичнa пријавa против М.С. од Куманово поради постоење основи на сомнение за сторено кривично дело „недозволена наплата или исплата во ефективни странски пари“, извести МВР.
– На 18.03.2023 од полициски службеници од СВР Куманово бил затекнат пријавениот на плоштадот Маршал Тито додека на А.Ш.(53) од с.Липково, му вршел размена 50 евра, а при извршен преглед над пријавениот биле пронајдени 65.350 денари, 700 евра, 1.760 швајцарски франци, 30.000 српски динари, 162 американски долари, 2.732 бугарски левови кои ги користел за наплата и исплата во ефективни странски пари и обратно, со намера за себе да се стекне со противправна имотна корист, без притоа да има регистрирано правно лице или соодветна лиценца од НБРСМ, соопшти МВР.