СВР Тетово поднесе кривична пријава против тетовец осомничен за сторени девет кривични дела „тешка кражба“ и против едно лице од Тетово, едно лице од село Арачиново, едно лице од Скопје и едно лице од село Шемшово, тетовско, поради постоење основи на сомнение за сторено кривично дело „прикривање”.
Во периодот од 01.06.2019 до 27.07.2019 во авто школи, колонијални продавници, канцеларии и патнички возила, соопшти денеска МВР, пријавениот извршил девет тешки кражби, при што одземал разни предмети.
– После тоа, одземените предмети ги продавал на второ, трето, четврто и петтопријавениот, кои знаеле дека потекнуваат од извршено кривично дело. Со ова пријавениот се стекнал со противправна имотна корист од 449.100 денари, се појаснува во соопштението.