СВР Куманово поднесе кривична пријава против П.Ц. (56, татко на Меланција Цветковска која на социјалните мрежи побара помош, поради основано сомнение дека сторил кривично дело „загрозување на сигурноста“ од член 144 став 3 од Кривичниот законик.
Според информациите од полицијата, пријавениот подолг временски период, под дејство на алкохол, вршел психичко и физичко насилство врз членовите на своето семејство.
На 11 јули 2026 година, тој психички ја малтретирал својата сопруга и се обидел физички да ја нападне.
По преземените мерки, П.Ц. е пренесен на лекување во Психијатриската болница во Демир Хисар.
Случајот ја вознемири јавноста откако девојката на Инстаграм ја раскажа голготата низ која поминува нејзиното семејство и побара институциите да интервенираат во случајот. Под притисок на јавноста и на медиумите, таткото на Меланија беше сместен во болницата во Демир Хисар.