Секторот за внатрешни работи Штип поднесе кривична пријава против 46 годишен штипјанец поради постоење основи на сомнение за сторено кривично дело „проневера во службата“.
Во периодот од ноември 2016 до октомври 2018 година пријавениот, како административен работник кај извршител, од трансакциската сметка на друг извршител, со која располага неговиот работодавач, префрлил 1.425.956 денари на трансакциските сметки на шест лица, кои се во родниниски врски со истиот, соопшти полицијата и додаде дека, откако штипјаенцот ги префрлил парите, од банкомат со нивни платежни картички ги повелекувал паричните средства.