Полицијата поднесе кривична пријава против И.А. (39) од Кратово поради постоење основи на сомнение за сторено кривично дело „злоупотреба на службена положба и овластување“.
Како што информира денеска МВР, на 12 септември 2017 година пријавената, како управител на ДТТУ „ФИЛЕ ТУРС“ ДООЕЛ Кратово, склучила договор за јавен превоз на ученици од основното училиште „Кочо Рацин“ Кратово за учебната 2017/2018 година.
Спротивно на договорот, таа преку нејзиниот сопруг С.А. (43) од Кратово, на три релации за превоз на учениците ангажирала возачи кои не биле вработени во правниот субјект и кои превозот на учениците го вршеле со нелиценцирани моторни возила што не биле наведени во понудата.