Поради постоење основи на сомнение за сторени казнени дела „изнуда“ и „спречување на службено лице во вршење на службено дејствие“ Секторот за внатрешни работи – Охрид поднесе кривична пријава против 21-годишниот А.Д. од Охрид, кому од истражен судија му е одредена мерка притвор во времетраење од 30 дена.
Според полицијата, на 28-ми минатиот месец околу 22:30 часот А.Д. насилно влегол во стан на негова пријателка на улицата „Карпош Војвода“ каде со раце и нозе ја искршил речиси целата покуќнина. Потоа физички ја нападнал, нанесувајќи и повеќе удари и тупаници по целото тело по што од кујната одзел нож и со закани дека ќе ја убие заедно со нејзиното малолетно дете, и побарал илјада денари. Набрзо во станот пристигнале полициските службеници кон кои А.Д. упатил пцости и навреди а потоа замавнувајќи со ножот им се заканувал дека ќе ги убие.
Пред да го стори делото сега притворениот оштетил неколку патнички моторни возила и велосипеди пред нејзината зграда. Тоа го направил откако во билјард клуб во трговскиот центар „Амам“, без посебна причина со нога искршил врати и дел од останатиот инвентар, упатуваќи навреди кон вработената и гостите во клубот.
Притворениот А.Д. е лице сторител на повеќе кривични дела и е казнено осудуван по неколку кривични пријави поднесени од СВР Охрид.