Двајца бугарски државјани добија кривична пријава за сторено кривично дело „злоупотреба на безвизниот режим со државите членки на Европската унија и на Шенгенскиот договор“.
Секторот за внатрешни работи Струмица поднесе кривична пријава против С.А.(35) и Е.В.А.(28), двајцата од Бугарија, за сторено кривично дело „злоупотреба на безвизниот режим со државите членки на Европската Унија и на Шенгенскиот договор“.
Како што информираат денеска од МВР, пријавените во текот на 2013 година, за износ од 200-300 евра по лице поттикнувале, организирале и транспортирале лица од општините Струмица и Василево и од други места за во државите на Европската унија, најчесто во Германија, а транспортот го вршеле со пет патнички возила.